Nedrebergtunet

Masstova er huset for mat og drikke, og er delt inn i to rom. Inngangspartiet har mura grue og rom for t.d. brygging og røyking av kjøt og fisk.

I Mastova bakar vi brød i vedfyrt bakaromn. Omnen blir også nytta til anna matlaging.

Ulike matkurs der bakaromnen kjem til sin rett vert avtalte etter ønske frå våre gjestar.

Kunsten å brygge tradisjonsrikt, godt øl vert halden i hevd. Både produksjon og smaksprøving

av tradisjonelt maltøl er kulturaktivitetar vi gjerne tilbyr.

I grua varmar vi vatn til brygging og baking.

Vi steiker flatbrød og lagar lefser etter gamle oppskrifter og framgangsmåtar.

Baking, brygging og anna matlaging vert gjennomført som hyggeleg og nyttig tradisjonsaktivitet – også som meir grundig opplæring gjennom kurs.

Vi inviterer til samlingar med kultur og tradisjon, der ein kan sjå, lære, prøve og smake på prosessar og produkt. Her kan ein kan sjå, lage og smake god tradisjonsmat frå distriktet.

Massstova er også staden for eventyrstunder for både liten og stor.