Nedrebergtunet

Songkurs

Spelemannslaget Fjelljom byr no inn til songkurs med Elin Pehrson Grytting. Bærumsjenta  med sogneblod i årane gifte seg med ein nordfjording og har budd på Sandane i lang tid. Ho har verkeleg gått inn for å lære mest muleg om våre folkelege songtradisjonar. Sidan 1989 har ho vore tilsett som fylkesmusikar, eller kanskje vi skal seie fylkessongar. For nokre år sidan gjorde ho eit storverk ved å gje ut CD og lage konsertprogram med diktarpresten Claus Frimann sine songar i sentrum. Frimann heldt til i Davik og vert nemnd som Nordfjord sitt svar på nordlendingen Petter Dass. Men Elin har og grundig kjennskap til det meste av songskatten elles i fylket vårt. Ho har lang røynsle med undervisning innan folkesong. Vi er no så heldige at vi får henne til Nedrebergtunet tre torsdagskveldar framover. Det er ingen aldersgrenser oppover og nedover eller andre krav for å vere med. Kanskje du ikkje reknar deg som songar i det heile, men er interessert i dei gode tekstane, frå herlege barnerim til alvorlege eller humoristiske viser for vaksne? Og innimellom songen vert det tid til ein kaffikopp og Torill sin heimebakst. Sjå lysing.

Lysing:

Songkurs

i Nedrebergtunet torsdagane 11/3, 18/3 og 25/3  kl 1930.

Lærar er fylkesmusikar Elin Grytting.

Kursavgift: kr 100,- pluss pengar for enkel servering.

Tilskipar: Spelemannslaget Fjelljom

(med statleg støtte frå KOMP-midlane)

Som vanleg vert det strikkekafe 2. onsdagen i månaden.  Vi samlast til ei sosial økt med hyggeleg prat og litt mat i tillegg til at dei flittige hendene produserer flotte strikkekplagg.

Alle er velkomne, og kravet til frammøte er kun at ein har med seg godt humør.  Strikking er kjekt men ikkje noko krav til deltakarane

Velkomen til 8. mars-markering i Nedrebergtunet kl 1900
Presentasjon av Stryn bygdekvinnelag
Husflidslaget

Liv Flore informerer om tankefelt-terapi

Matøkt  kr 75

Mange av goda kvinner har i det norske samfunn har blitt til ved at kvinner spesielt har engasjert seg i samfunnsdebatten og i det politiske liv.
Framleis er det behov for å markere kvinnedagen. Framleis er det behov for at kvinner engasjerer seg nasjonalt og internasjonalt for å få gjennomslag for ein politikk som tek vare på kvinner og familien sine interesser.

I år ønskjer vi å sette fokus på den største kvinneorganisasjonen i kommunen, Bygdekvinnelaget.  Vi vil og få ein presentasjon av husflidslaget.
Liv Flore er invitert til å fortelje om den alternative behandlingsforma tankefelt-terapi.  Dette er ei behandlingsform som kan nyttast mot kjenslemessige problem, smerte og spenningstilstandar.
Matøkt med enkel servering  og lett underhaldning.